منتديات السعادة
انت غير مسجل لدينا لذلك يسرنا انضمامك الى اسرة المنتدى ونتمنى لك قضاء اسعد الاوقات


تيتو


(.)الــ،،ـــتـــ،ـــنــ،ـــيــــ،،ــــن الــ،،ــمــ،،ــصــ،،ــرى(.)
 
الرئيسيةالبوابةمكتبة الصورالتسجيلدخول
سبحان الله والحمد لله ولا اله الا الله
السلام عليكم ورحمة الله وبركاته الى كل الاعضاء والزوار شات وموقع ابن مصر http://eg-boy.com الادارة
TvQuran
TvQuran

شاطر | 
 

 حاجة رخمة جدا بنتعرض ليها كل يوم

اذهب الى الأسفل 
كاتب الموضوعرسالة
bosy
مشرفة
مشرفة
avatar

عدد الرسائل : 37
تاريخ التسجيل : 13/09/2008

مُساهمةموضوع: حاجة رخمة جدا بنتعرض ليها كل يوم   الأحد 14 يونيو 2009 - 11:39


فيه أسئلة بديهية مالهاش اي لزمة في الدنيا
بنتعرض ليها كل يوم من كل الناس
خلـونـــا نشوف أمثلة
*******
إنت في أوضتك.. على السرير وطافي النور ومتغطي
ييجي أخوك الظريف ويفتح الباب عليك ويقول: ايه ده انت هتنام ولاّ ايه؟
(( أظن ده مش وضع الرقص!!! واضح ان انا هنام ))
*******
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتـواااااااا؟
(( لا لسه ))
*******
والعكس: انت لابس هدومك ومتأنتك وعلى سنجة عشرة وريحة البارفان واصله لاخر الشارع.. وخلاص بتفتح باب الشقة,, يجي حد من أهلك وينادي بصوت عالي: انت خااااارج ولاّ اييييييييييه
(( ! لاء دانا لسه راجع ))
*******
أو مثلا راكب العربية ودوّرتها وخلاص هتطلع.. يجيلك لك البواب ويخبطلك على الزجاج,, انت بكل ذوق تفتح الزجاج وتقوله: خير في حاجة؟
يقولك: انت رايح الشغل يابيه؟
(( لا.. العربية واحشاني ))
*******
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون؟
(( لا.. بتفرّج عليه ))
*******
مثلا: ماسك مذكرة أو كتاب وقاعد تحفظ ومتحمس (أول مره بقى).. جه حد وقالك: هاه.. قاعد تذاكر؟
(( تقوم رامي الكتاب وتقوله لااااااااء ))
*******
ربنا هاديك كده.. ماسك سبحة وعمال تسبّح، يجي حد من البيت يعدي عليك ويقول: هوّه انت بتسبح؟
(( لاء.. هفرطها وأسلقها ))
*******
ولاّ تعالو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنية
ترد عليه الست المذيعة بكل خفه ورشاقة: إنتا بتحب الاغنيّة ديه ولا ايه؟
(( لاء.. طالبها اخنق على نفسي ))
*******
أو مثلا في العيد
المذيع: هههههه هههههههه هههههه نتعرّف بيك
المواطن: فلان الفلاني
المذيع :هههههه هههههه هههههه بتقول ايه للأهل ههه وصحابك ههه وقرابيك هههه وللناس اللي انت مخاصمهم كمان؟ هههههه هههههه ههههههه
المواطن: أقولهم كل عام وأنتم بخير
(( أكيد يعني مش هيقولهم البقاء لله ))
*******
المذيعة الظريفة: وياترى بقى هتعملوا ايه العيد ده هتقضوه ازاي؟
أكيد بيبقى زيارات الأهل والصحاب وتخرجوا تشوفوا مظاهر العيد في الشوارع وتفسحوا أولادكم ونتصل بالمعارف نعيّد عليهم ونقولهم كل سنة وانتو طيبين
(( سبتيله ايه يقوله يارخمة؟ ))
*******
والأسخف بقى.. الشلل الكبير.. لما المذيعين يكلّموا الاطفال
يقول المذيع للطفل: إنت بتحب ماما وبابا؟
(( يعني أساسي الواد لسه ما طلعلوش عرق الندالة علشان يقول لأ ))
*******
الرجوع الى أعلى الصفحة اذهب الى الأسفل
شهــSHAHDــد



عدد الرسائل : 280
العمر : 22
الموقع : الامارات
تاريخ التسجيل : 27/03/2009

مُساهمةموضوع: رد: حاجة رخمة جدا بنتعرض ليها كل يوم   الثلاثاء 16 يونيو 2009 - 13:41

موضوع جميل اوى اوى يا بوسى تسلم ايدك
الرجوع الى أعلى الصفحة اذهب الى الأسفل
tiger
ادارى
ادارى
avatar

عدد الرسائل : 192
العمر : 29
تاريخ التسجيل : 07/09/2008

مُساهمةموضوع: رد: حاجة رخمة جدا بنتعرض ليها كل يوم   الخميس 18 مارس 2010 - 14:21

يا ربى كل ده ربنا معاكى انا مش عارف انتى مستحمله ازاى

_________________
النمر المصرى ziko
الرجوع الى أعلى الصفحة اذهب الى الأسفل
 
حاجة رخمة جدا بنتعرض ليها كل يوم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السعادة :: المنتدى الترفيهى :: قسم الكوميديا-
انتقل الى: